რუსული ძალები აგრძელებენ სამხედრო და სამოქალაქო ობიექტებზე სისტემატური სარაკეტო და საჰაერო დარტყმების განხორციელებას, - ამისშესახებ უკრაინის შეიარაღებული ძალების გენერალურ შტაბში აცხადებენ.

ამასთან, მათი შეფასებით, შემცირებულია სარაკეტო დარტყმების ინტენსივობა.

"სარაკეტო დარტყმების ინტენსივობა და მაღალი სიზუსტის იარაღის დარტყმები შემცირდა. უკრაინის ტერიტორიაზე საომარ მოქმედებებში მონაწილეობის მისაღებად რუსული მტრის დამატებითი ნაწილები ემზადებიან. დაგეგმილია უკრაინის დროებით ოკუპირებული ტერიტორიების მაცხოვრებლებისა და დაქირავებული ჯარისკაცების „მოხალისე“ ბატალიონების შექმნა,“- აცხადებენ გენშტაბში.