რუსეთის პრეზიდენტის, ვლადიმირ პუტინის მიმართ თურქეთის პრეზიდენტის, რეჯეფ თაიფ ერდოღანის თხოვნის საფუძველზე, რუსეთი ხელს შეუწყობს უცხო ქვეყნების მოქალაქეების ევაკუაციას, რომლებიც მარიუპოლში ნაციონალისტებს მძევლად ჰყავთ აყვანილი, - ამის შესახებ რუსეთის ეროვნული თავდაცვის კონტროლის ცენტრის უფროსმა, გენერალ-პოლკოვნიკმა მიხაილ მიზინცევმა განაცხადა.
„რუსეთის პრეზიდენტის მიმართ თურქეთის რესპუბლიკის პრეზიდენტის თხოვნის შესაბამისად მიღებულ იქნა გადაწყვეტილება, მარიუპოლის გარკვეულ რაიონებში ნაციონალისტური ბატალიონების მებრძოლების მიერ მძევლად აყვანილი უცხო ქვეყნის მოქალაქეების ევაკუაციაში სრული დახმარების გაწევის შესახებ“, - აღნიშნა მიზინცევმა.
გენერალ პოლკოვნიკის მტკიცებით, რუსეთი კოორდინირებულ ძალისხმევას ახორციელებს უკრაინის სახიფათო რეგიონებიდან მშვიდობიანი მოსახლეობისა და უცხოელების ევაკუაციისთვის.
„ამ მიზნით ჩვენ განუწყვეტლივ ვთანამშრომლობთ გაეროსთან, ეუთოსთან, წითელი ჯვრის საერთაშორისო კომიტეტთან და სხვა საერთაშორისო ორგანიზაციებთან“, - აღნიშნა მან.