რუსეთის პატრიარქი კირილი - ჩვენ მრავალტანჯული მშვიდობისმოყვარე ერი ვართ, არ გვაქვს მისწრაფება ომისადმი ან იმისკენ, რომ ვინმეს ზიანი მივაყენოთ

მოსკოვისა და სრულიად რუსეთის პატრიარქი კირილი რუს სამხედრო მოსამსახურეებს მოუწოდებს, უერთგულონ სამხედრო ფიცს ბოლომდე და გაითავისონ „არსებული მოვლენების ისტორიული მნიშვნელობა“, ხალხი კი - მიხვდეს, რომ განსაკუთრებული დრო დადგა, რომელზეც დამოკიდებული იქნება მისი ბედი.

ამის შესახებ რუსეთის პატრიარქმა რუსეთის შეიარაღებული ძალების მთავარ ტაძარში ქადაგებისას განაცხადა.

„მსოფლიოს ქვეყანათა უმეტესობა ერთი ძალის კოლოსალური გავლენის ქვეშ მოექცა, რომელიც დღეს, სამწუხაროდ, ჩვენი ხალხის მოწინააღმდეგე ძალა გახდა და ჩვენ ძალიან ძლიერები უნდა ვიყოთ. როდესაც ვამბობ „ჩვენ“, მხედველობაში მაქვს შეიარაღებული ძალებიც, პირველ რიგში და არა მხოლოდ. მთელმა ჩვენმა ხალხმა უნდა გაიღვიძოს, მიხვდეს, რომ განსაკუთრებული დრო დადგა, რომელზეც შეიძლება დამოკიდებული იყოს ჩვენი ხალხის ისტორიული ბედიღბალი. სწორედ ამიტომ ვარ დღეს აქ, რათა შევხვედროდი, პირველ რიგში, ჩვენი შეიარაღებული ძალების წარმომადგენლებს, მიმემართა მათთვის, მათი მეშვეობით, ჩვენი არმიისა და ფლოტისთვის, სამშობლოს ყველა დამცველისთვის - რათა გააცნობიერონ ისტორიული მნიშვნელობა იმ მომენტისა, რომელიც ახლა ხდება“ , - აღნიშნა პატრიარქმა კირილმა.

მისი თქმით, რუსეთი მშვიდობისმოყვარე ქვეყანაა, მისი ხალხი კი - „მრავალტანჯული მშვიდობისმოყვარე ერი“, რომელიც ომის შედეგად დაზარალდა.

რუსეთის ეკლესიის მეთაური დარწმუნებულია, რომ რუსებს "არავითარი მისწრაფება არ აქვთ ომისადმი ან იმისკენ, რომ ვინმეს ზიანი მიაყენონ".

„არამედ ჩვენ ისე აღვიზარდეთ მთელი ჩვენი ისტორიით, რომ გვიყვარს საკუთარი ქვეყანა და მზად ვიქნებით მის დასაცავად ისე, როგორც ეს რუსებს შეუძლიათ. სწორედ ჩვენ გადავტეხეთ ხერხემალში ნაციზმი, რომელიც აუცილებლად გაიმარჯვებდა მსოფლიოში, რომ არა ჩვენი ხალხის გმირობა“ , - აღნიშნა პატრიარქმა კირილმა.

მისი თქმით, განიცდის იმ ადამიანების გამო, რომლებიც ცხოვრებენ საომარი შეტაკებების ადგილებში.

ის გამოვიდა მოწოდებით, ყველაფერი გაკეთდეს, რომ შეწყდეს სისხლისღვრა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს