Human Rights Watch-მა უკრაინაში რუსი სამხედროების მიერ ომის დანაშაულის ჩადენის ფაქტები დააფიქსირა

Human Rights Watch რუსული სამხედროების მხრიდან მშვიდობიანი მოსახლეობის მიმართ ომის დანაშაულის ჩადენის რამდენიმე შემთხვევა დააფიქსირა ჩერნიგოვის, ხარკოვისა და კიევის რეგიონების დროებით ოკუპირებულ ტერიტორიაზე.

ორგანიზაციის მიერ დაფიქსირებული ომის დანაშაული მოიცავს განმეორებით გაუპატიურებას, სიკვდილით დასჯის ორ შემთხვევას. ერთ შემთხვევაში მოკლული იქნა 6 მამაკაცი, მეორე შემთხვევაში -1. ასევე დაფიქსირდა სხვა სახის უკანონო ძალადობა და მოსახლეობის დაშინების ფაქტები 27 თებერვლიდან 14 მარტის პერიოდიში.

Human Rights Watch-ის ინფორმაციით რუსი სამხედროები ასევე ჩართულები იყვნენ ადგილობრივი მოსახლეობის ძარცვაში, რა დროსაც მათ მიჰქონდათ საკვები, ტანსაცმელი და შეშაც კი.

ორგანიზაციაში აცხადებენ, რომ აღნიშნულ ქმედებებში მონაწილე ჯარისკაცებმა ომის დანაშაული ჩაიდინეს.

„საქმეები, რომლებიც ჩვენ დავაფიქსირეთ, წარმოადგენს აუწერელ, მიზანმიმართულ სისასტიკეს და ძალადობას უკრაინელი მშვიდობიანი მოქალაქეების მიმართ. გაუპატიურება, მკვლელობა და სხვა ძალადობრივი ქმედებები რუსული ძალების ტყვეობაში მყოფი ადამიანების წინააღმდეგ უნდა იქნას გამოძიებული, როგორც ომის დანაშაული“, - განაცხადა Human Rights Watch-ის ევროპისა და ცენტრალური აზიის დირექტორმა ჰიუ უილიამსონმა.

Human Rights Watch-მა პირადად ან ტელეფონით გამოიკითხა 10 ადამიანი, მათ შორის მოწმეები, დაზარალებულები და რუსეთის მიერ ოკუპირებული ტერიტორიების ადგილობრივი მცხოვრებლები. ზოგიერთმა ადამიანმა ითხოვა ვინაობის დასახელებისას მხოლოდ სახელის ან ფსევდონიმის გამოყენება.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს