აშშ-ის სახელმწიფო მდივანმა ენტონი ბლინკენმა განაცხადა, რომ სახელმწიფო დეპარტამენტი უკრაინას ნებისმიერი სიმხეცის დოკუმენტირებაში დახმარებას გაუწევს, რომლებიც რუსმა სამხედროებმა უკრაინის მშვიდობიანი მოსახლეობის წინააღმდეგ ჩაიდინეს.
CNN-ის ინფორმაციით, ამის შესახებ მან ბუჩადან გავრცელებული ფოტომასალების შესახებ კომენტირებისას განაცხადა.
ბლინკენის თქმით, ბუჩაში დაღუპული უკრაინელების სურათები "გულში გირტყამს".
„აგრესიის შემდეგ, ჩვენ განვაცხადეთ, რომ რუსეთის ჯარმა ჩაიდინა სამხედრო დანაშაული და ვმუშაობთ იმაზე, რომ ამის დოკუმენტირება განვახორციელოთ, მივაწოდოთ ინფორმაცია, რომელიც ჩვენ გაგვაჩნია შესაბამისი ინსტრუქციით და ამისთვის უნდა იყოს პასუხისმგებლობა“, - განაცხადა ენტონი ბლინკენმა.