პარლამენტთან აქცია „უკრაინისა და ჩვენი თავისუფლებისთვის“ მიმდინარეობს

პარლამენტთან აქცია სახელწოდებით - „უკრაინისა და ჩვენი თავისუფლებისთვის“ მიმდინარეობს.

"ევროპული საქართველოს" თავმჯდომარის გიგა ბოკერიას განცხადებით, საკუთარ თავს მუდმივად უნდა შევახსენოთ, რამხელა პასუხისმგებლობა გვაქვს თავისუფლების და სახელმწიფოებრიობის დაცვის საქმეში.

"ვთვლი, რომ ვიდრე ჩვენს ქვეყანას ამხელა საფრთხე ემუქრება პუტინის ბოროტების იმპერიის სახით და მსოფლიოს ემუქრება ეს საფრთხე, განსაკუთრებით, მაშინ როცა უკრაინელი ხალხი გმირულად ებრძვის ამ ბოროტებას, მუდმივად უნდა შევახსენოთ ჩვენს თავს რამხელა პასუხისმგებლობა გვაქვს ჩვენი თავისუფლების, ჩვენი ქვეყნის სახელმწიფოებრიობის დაცვის საქმეში. ეს განსაკუთრებით მნიშვნელოვანია, როცა ჩვენ გვყავს მთავრობა, რომელიც გვაპარებს იმ იდეას, რომ ილუზიური უსაფრთხოებისთვის უნდა დავთმოთ თავისუფლება და მორალურად უნდათ, რომ გაგვტეხონ. ამიტომ არის მნიშვნელოვანი მუდმივად შეხსენება, როგორ არ გვაქვს უფლება, რომ ეს ისტორიული შანსი, გავაღწიოთ ამ ბოროტების იმპერიის კლანჭებიდან, გავუშვათ", - განაცხადა ბოკერიამ.

ორგანიზატორები აცხადებენ, რომ აქციაზე სიტყვით გამოსვლები არ იქნება, თუმცა გაიმართება ფილმის და კლიპის პრემიერა, რომლებიც აქციისთვის მოამზადეს.

ამასთან, აქციაზე აჩიკო გულედანის მიერ სპეციალურად ამ დღისთვის შექმნილი ჰიმნის პრეზენტაცია და ასევე, სხვა პერფორმანსიც იგეგმება.

აქციის ორგანიზატორები არიან: "ევროპული საქართველო", "ტაბულა" , „თავისუფლების ინსტიტუტი“ და „ამომრჩეველთა განათლების საზოგადოება“.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება