რუსული ძალები სუმის ოლქის ტერიტორიას აქტიურად ტოვებენ, - ამის შესახებ სუმის საოლქო ადმინისტრაციის ხელმძღვანელმა დიმიტრი ჟივიცკიმ განაცხადა.

„კარგი ამბავი გვაქვს სუმის ოლქიდან. გუშინდელი დღიდან რუსულმა ჯარებმა აქტიურად დაიწყეს ჩვენი ოლქიდან მათ ტერიტორიაზე გადასვლა“, - განაცხადა ჟივიცკიმ.

მისი თქმით, ოლქის გათავისუფლებაზე საუბარი ჯერ ნაადრევია, რადგან „წმენდა გრძელდება“, მაგრამ მტრის ტექნიკამ ტერიტორია დატოვა.