კიევის მერმა ვიტალი კლიჩკომ უკრაინის დედაქალაქის მახლობლად მშვიდობიანი მოსახლეობის მკვლელობა საშინელებათა ფილმის სცენებს შეადარა. ამის შესახებ ინფორმაციას BBC-ი ავრცელებს.
კლიჩკოს თქმით, „აგრესორმა, ათასობით უკრაინელის მკვლელობისთვის, მძიმე ფასი უნდა გადაიხადოს“.
„რასაც ახლა ირპენსა და ბუჩაში ვხედავთ, ეს საშინელებათა სცენებია. სამწუხაროდ, ისინი ფილმებიდან არ არის. ეს არის საშინელი რეალობა, როდესაც მშვიდობიან მოქალაქეებს, ზურგზე შეკრული ხელებით ვხედავთ. არ მესმის არცერთი ადამიანის, ვისაც შეეძლო ამის გაკეთება. დარწმუნებული ვარ, იგივე სცენები მრავალია უკრაინის სხვა ქალაქებშიც. აგრესორმა, ათასობით უკრაინელის მკვლელობისთვის მძიმე ფასი უნდა გადაიხადოს. ჩვენ არ ვაპატიებთ იმას, რაც ჩვენს ქალაქებსა და მოსახლეობას გაუკეთეს“, - განაცხადა კლიჩკომ.