პოლიციამ ესპანეთში იახტა დააკავა, რომელიც სავარაუდოდ, ვლადიმერ პუტინთან მჭიდრო კავშირში მყოფ ოლიგარქს ეკუთვნის

პოლიციამ ესპანეთში იახტა დააკავა, რომელიც სავარაუდოდ, რუსეთის პრეზიდენტ ვლადიმერ პუტინთან მჭიდრო კავშირში მყოფ ოლიგარქს ეკუთვნის, - ამის შესახებ ინფორმაციას Sky News-ი ავრცელებს.

მათივე ინფორმაციით, აშშ-ის ფედერალურმა აგენტებმა და ესპანეთის სამოქალაქო გვარდიამ, გაჩხრიკეს გემი, რომელიც ხმელთაშუა ზღვაში, პალმა დე მალიორკას პორტში, „მარინა რეალში“ იყო გაჩერებული.

სამოქალაქო გვარდიის წყაროს ცნობით, იახტა, სახელად Tango, 78 მეტრიანი გემია. ვებსაიტ Superyachtfan.com-ის ინფორმაციით, რომელიც მსოფლიოში ყველაზე ძვირადღირებულ რეკრეაციულ გემებს აკონტროლებს, აღნიშნული გემი 120 მილიონ დოლარად არის შეფასებული.

აშშ-ის სახაზინო დეპარტამენტის ცნობით, იახტა იმ აქტივებს შორისაა, რომლებიც დაკავშირებულია ვიქტორ ვექსელბერგთან, მილიარდერთან, რომელიც მოსკოვში დაფუძნებულ Renova Group-ს ხელმძღვანელობს, კონგლომერატს, რომელიც ლითონებს, სამთო, ტექნიკურ და სხვა აქტივებს მოიცავს.

როგორც Sky News-ი იუწყება, ვექსელბერგს სანქციები აშშ-ის, ევროკავშირისა და ბრიტანეთის მთავრობებმა დაუწესეს.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს