ლიზ ტრასი - ომის დანაშაულების ძლიერი მტკიცებულებების გათვალისწინებით, რუსეთი ვერ დარჩება გაეროს ადამიანის უფლებათა საბჭოს წევრად

გაერთიანებული სამეფოს საგარეო საქმეთა მინისტრი ლიზ ტრასი აცხადებს, რომ ბუჩაში რუსების მიერ მოწყობილი ხოცვა-ჟლეტის გათვალისწინებით, რუსეთი ვერ დარჩება გაეროს ადამიანის უფლებათა საბჭოს წევრად. ამის შესახებ ის "ტვიტერზე" წერს.

„ომის დანაშაულების ძლიერი მტკიცებულებების გათვალისწინებით, მათ შორის ბუჩაში მასობრივი სასაფლაოსა და საზარელი ჟლეტის შესახებ ცნობების გათვალისწინებით, რუსეთი ვერ დარჩება გაეროს ადამიანის უფლებათა საბჭოს წევრად. რუსეთი უნდა შეჩერდეს“, - წერს გაერთიანებული სამეფოს საგარეო საქმეთა მინისტრი.