ლატვიის მთავრობამ რუსეთის ფედერაციასთან დიპლომატიური ურთიერთობების გამკაცრების გადაწყვეტილება მიიღო, - ამის შესახებ ლატვიის საგარეო საქმეთა მინისტრმა ედგარს რინკევიჩსმა განაცხადა.

მისი თქმით, ამ გადაწყვეტილების მიღების მიზეზი ბუჩაში რუსი სამხედროების მიერ ჩადენილი დანაშაული გახდა.

„უკრაინაში რუსეთის შეიარაღებული ძალების მიერ ჩადენილი დანაშაულების გათვალისწინებით, ლატვია გაამკაცრებს დიპლომატიურ ურთიერთობებს რუსეთის ფედერაციასთან. კონკრეტული გადაწყვეტილებების შესახებ ცნობილი გახდება შიდა პროცედურების დასრულების შემდეგ“, - წერს ლატვიის საგარეო საქმეთა მინისტრი "ტვიტერზე".