პოლონეთში ოფიციალური ვიზიტით მყოფმა იაპონიის საგარეო საქმეთა მინისტრმა იოშიმასა ჰაიაშიმ განაცხადა, რომ მისი სამთავრობო თვითმფრინავით უკან, იაპონიაში 20 უკრაინელ ლტოლვილთან ერთად დაბრუნდება.

მისი თქმით, ეს გადაწყვეტილება იაპონიის მიერ უკრაინელებისთვის ჰუმანიტარული დახმარების გაწევის ძალისხმევის ფარგლებში იქნა მიღებული.

ჰაიაშიმ, აღნიშნა, რომ მასთან ერთად ტოკიოში ის ლტოლვილები გაემგზავრებიან, რომლებმაც იაპონიაში წასვლის სურვილი გამოთქვეს, მაგრამ დამოუკიდებლად ამის გაკეთება ვერ შეძლეს.