უკრაინის ვიცე პრემიერი - თუ პუტინს არ შევაჩერებთ, ეს მხოლოდ დასაწყისია იმ სისასტიკისა, რასაც მოგვიანებით აღმოვაჩენთ

უკრაინის თერთმეტი ქალაქის მერები კვლავ რუსული ძალების ტყვეობაში არიან, - ამის შესახებ უკრაინის ვიცე-პრემიერმა ირინა ვერეშჩუკმა განაცხადა.

„ეს აბსოლუტური სიმართლეა. ვიცით, რომ ეს მერები ტყვეობაში არიან, რუსების მიერ მძევლად აყვანილები არიან და სამწუხაროდ, არ გვიბრუნებენ. ჯერჯერობით მათ გათავისუფლებას ვერ ვახერხებთ და ვფიქრობთ, ზოგიერთი მათგანი მოკლულია“, - აღნიშნა ირინა ვერეშჩუკმა.

მისი თქმით, თუ პუტინს ახლავე არ შეაჩერებენ, კიდევ მეტი სისასტიკეა მოსალოდნელი.

„თუ ჩვენ ერთად პუტინს დღესვე არ შევაჩერებთ, ეს მხოლოდ დასაწყისია იმ სისასტიკისა, რომელსაც მოგვიანებით აღმოვაჩენთ“, - აღნიშნა ვიცე მერმა.

მან მარიუპოლში არსებულ მძიმე მდგომარეობაზე ისაუბრა და ხაზი გაუსვა, რომ ეს არის გენოციდი უკრაინელი მშვიდობიანი მოსახლეობის წინააღმდეგ.

„ხალხი კვდება, კვდება შიმშილით, წყურვილით, მძიმე ჭრილობებით, საჰაერო დარტყმებით, ათასობით მათგანი იღუპება. ეს არის გენოციდი უკრაინელი მშვიდობიანი მოსახლეობის წინააღმდეგ. პუტინი ხვდება, რომ უკრაინის არმიას ვერ შეაჩერებს და ამიტომ სხვა ტაქტიკა აქვს. ის აწამებს და აუპატიურებს უკრაინელ მოქალაქეებს, ქალებს და ამას აკეთებს მისი ე.წ. მეორე არმია. ისინი იბრძვიან მშვიდობიანი მოსახლეობის წინააღმდეგ, ჩვენ კი, როგორც ჩანს, უბრალოდ უძლურები ვუყურებთ მათ“,- აღნიშნა ირინა ვერეშჩუკმა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ