„ანტიკორუფციული მოძრაობის“ მიერ 24 თებერვალი - 24 მარტის ჩათვლით ჩატარებული დაკვირვების შედეგად, „კონსერვატიულ მოძრაობას“ თანხა საქართველოს 51-მა მოქალაქემ შესწირა.

„კონსერვატული მოძრაობის“ 51 შემომწირველიდან სამეწარმეო საქმიანობა 9 პირს - გიორგი სეთურიძეს, ზეზვა ჩანქსელიანს, ზაურ ობოლაძეს, ნოდარ ჩაკვეტაძეს, გია გულუას, სიმონ ჩაჩანიძეს, გია გოთუას და რამაზ ნოზაძეს უფიქსირდება. მათგან სახელმწიფო ტენდერები მოგებული აქვთ გიორგი სეთურიძეს, ზეზვა ჩანქსელიანს და გია გოთუას.

შემომწირველთაგან 4 ყოფილი საჯარო მოხელე ან საჯარო მოხელესთან ნათესაური კავშირის მქონე პირია. 3 მათგანი (ნიკა ქომეთიანი, არსენ ფოფხაძე და ალექსანდრე ბენდელიანი) კი ბოლო 4 წლის საერთო არჩევნებში ცენტრალურ და ქვედა საარჩევნო ადმინისტრაციაში „ქართული ოცნებას“ წარმოადგენდა.

როგორც „ანტიკორუფციული მოძრაობის“ კვლევაშია ნათქვამი, აღსანიშნავია, რომ მოქალაქეები უკრაინაში რუსეთის სამხედრო აგრესიის პარალელურად თანხას იმ მოძრაობას სწირავენ, რომელიც საქართველოს ევროატლანტიკურ სტრუქტურებში ინტეგრაციის საწინააღმდეგო გზავნილებს აქტიურად ავრცელებს და სწორედ მათი ორგანიზებით ჩატარდა 2021 წლის 5 ივლისის ანტი-ლგბტ აქცია და სასტიკად გაუსწორდნენ ტვ “პირველის” ოპერატორ ლექსო ლაშქარავას, რომელიც თავდასხმიდან რამდენიმე დღეში გარდაიცვალა.