მოსკოვში ერთკაციანი აქცია-პერფორმანსი გაიმართა, რომელიც ბუჩაში მოკლული მშვიდობიანი მოსახლეობის ხსოვნას მიეძღვნა. აქციის ფარგლებში აქტივისტი მიწაზე ზურგს უკან თეთრი ლენტით შეკრული ხელებით იწვა, სწორედ ისე რა მდგომარეობაშიც პოულობდნენ ბუჩაში რუსი სამხედროების მიერ ნაწამებ ადამიანებს.

აქტივისტმა პერფორმანსი „ბუჩა- მოსკოვი“ რუსეთის დედაქალაქის მასშტაბით რამდენიმე ადგილას გამართა, მათ შორის ალექსანდროვის ბაღში, მაცხოვრის საკათედრო ტაძრის მიმდებარედ ხიდზე, ნიკოლის ქუჩაზე და ძველ არბატზე.