ვოლოდიმირ ზელენსკი ესპანეთის პარლამენტს - ევროპაში ყველამ უნდა შეწყვიტოს რუსეთის მიმართ შიში და სისუსტის გამოჩენა

ყველაზე ცუდი ისაა, რომ ჯერ კიდევ არ ვიცით რამდენ ხანს გაგრძელდება ომი, სანამ მსოფლიო საბოლოოდ არ გააკეთებს ყველაფერს, რაც საჭიროა მშვიდობისთვის, - ამის შესახებ უკრაინის პრეზიდენტმა, ვოლოდიმირ ზელენსკიმ ესპანეთის პარლამენტში სიტყვით გამოსვლისას განაცხადა.

მან იმ კომპანიებს, რომლებმაც რუსეთთან ურთიერთობა შეწყვიტეს, მადლობა გადაუხადა.

„ძლიერი სანქციებია საჭირო. ყველაზე ძლიერი. როგორ მივცეთ რუსულ ბანკებს მოგების გამომუშავების საშუალება, როცა რუსი სამხედროები უკრაინის ქალაქებში აწამებენ რიგით მოქალაქეებს? როგორ შეუძლიათ ევროპულ კომპანიებს ვაჭრობა სახელმწიფოში, რომელიც მიზანმიმართულად ანადგურებს ჩვენს ხალხს? ვიცი, რომ ბევრმა თქვენმა კომპანიამ უკვე შეწყვიტა რუსული სამხედრო მანქანის დაფინანსება. მინდა მადლობა გადაგიხადოთ თქვენ, თქვენს მოქალაქეებს და თქვენს მთავრობას. მადლობელი ვარ ამ კომპანიების, მთელი თქვენი სახელმწიფოსა და საზოგადოების სანქციების მიმართ პრინციპული პოზიციისთვის,“- აღნიშნა ზელენსკიმ.

ამასთან, მან რამდენიმე ესპანურ კომპანიას რუსეთთან ბიზნესის კეთებაზე უარის თქმისკენ მოუწოდა.

„მინდა, მივმართო ზოგიერთ კომპანიას, როგორიცაა Maxam, Porcelanosa, Sercobe და სხვა კომპანიები, რომ შეწყვიტონ რუსეთთან ბიზნესი.

ის, რაც ჩვენმა ქალაქმა ბუჩამ, ჩვენმა ქალაქმა ბოროდიანკამ, ჩვენმა სხვა ქალაქებმა განიცადეს, არის ომის დანაშაულები. დანაშაული კაცობრიობის წინააღმდეგ. ეს არის აბსოლუტურად ნათელი საფუძველი, რომ რუსი სამხედროები და მეთაურები საერთაშორისო სასამართლომ გაასამართლოს.

ამ პირობებში როგორ შეუძლიათ მსოფლიოს ქვეყნებმა თავისუფლად შეიძინონ რუსული ნავთობი და დაუშვან რუსული გემები თავიანთ პორტებში?“- აღნიშნა ზელენსკიმ.

მისი თქმით, ევროპამ რუსეთის მიმართ შიში უნდა შეწყვიტოს.

„ევროპაში ყველამ უნდა შეწყვიტოს შიში. შეწყვიტოს სისუსტის გამოჩენა. ისინი ძლიერები უნდა გახდნენ. დააყენეთ ღირებულებები და დემოკრატია იმ საფრთხეებზე მაღლა, რომელსაც რუსეთი ავრცელებს.

გთხოვ, ყველაფერი გააკეთოთ, რომ ევროპის სხვა ქვეყნებსაც არ ჰქონდეთ შიში. თქვენ შეგიძლიათ დაგვეხმაროთ. დაეხმარეთ მსოფლიოს. მოგვეცით ჩვენთვის საჭირო იარაღი. ჩვენ ვაფასებთ ამ დახმარებას, იმ იარაღს - ყველაფერს, რაც თქვენ უკვე მოგვეცით. თქვენ შეგიძლიათ მხარი დაუჭიროთ საჭირო შემდგომ სანქციებს. თქვენ ასევე შეგიძლიათ გაანადგუროთ რუსეთის მიმართ შიში სადაც არ უნდა ნახოთ ის,“- აღნიშნა ზელენსკიმ.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ