საქართველოს რეგიონული განვითარებისა და ინფრასტრუქტურის სამინისტრომ 2022 წლის პირველი კვარტლის სახელმწიფო ბიუჯეტით დამტკიცებულ გეგმას 9%-ით გადააჭარბა. ამის შესახებ ინფორმაციას რეგიონალური განვითარებისა და ინფრასტრუქტურის სამინისტრო ავრცელებს.
უწყების ცნობით, მიმდინარე წლის პირველი 3 თვის განმავლობაში, სამინისტროს მიერ ინფრასტრუქტურულ პროექტებში ინვესტირებულმა თანხამ 406.2 მილიონი ლარი შეადგინა, რამაც დამტკიცებულ გეგმას 33.3 მილიონი ლარით, ხოლო წინა წლის ანალოგიურ მაჩვენებელს 41.9 მილიონი ლარით გადააჭარბა.
რეგიონული განვითარებისა და ინფრასტრუქტურის სამინისტროს 2022 წლის ბიუჯეტი რეკორდულად მაღალია და 2 მილიარდ 895 მილიონ ლარზე მეტს შეადგენს.