ნიდერლანდებში რუს ოლიგარქებს საკუთრებაში არსებული 14 სუპერ იახტა ჩამოართვეს. ამასთან, ქვეყანაში რუსების კუთვნილი 516 მილიონი ევროს აქტივები გაყინეს და 155 მილიონი ევროს ოდენობის ტრანზაქციები დაბლოკეს, - ინფორმაციას ნიდერლანდების საგარეო საქმეთა სამინისტრო ავრცელებს.

CNN-ის ინფორმაციით, იახტების ნაწილზე მშენებლობის პროცესი ამჟამად მიმდინარეობდა.

ჩამორთმეული იახტების ზოგიერთ მფლობელს სანქციები არ აქვს დაწესებული, თუმცა საექსპორტო რეგულაციების გამო, რუსეთისთვის გემებისა და იახტების მიწოდება აკრძალულია.