ამერიკელი პროკურორები ევროპელ და უკრაინელ კოლეგებთან ერთად უკრაინაში რუსეთის შესაძლო სამხედრო დანაშაულების შესახებ მტკიცებულებების შეგროვებისთვის მუშაობენ. ინფორმაციას „გარდიანი“ ავრცელებს.
აშშ-ს გენერალურმა პროკურორმა მერიკ გარლანდმა განაცხადა, რომ იუსტიციის დეპარტამენტის ოფიციალური პირები, ერთობლივი სამუშაო გეგმის შემუშავების მიზნით, ევროპოლსა და Eurojust-ში თავიანთ კოლეგებს შეხვდნენ. ისინი უკრაინის მთავარ პროკურორს მტკიცებულებების შეგროვებაში ეხმარებიან.
„დღეს ჩვენ საერთაშორისო ძალისხმევას ვეხმარებით, რათა გამოავლინონ და პასუხისგებაში მისცენ უკრაინაში დანაშაულებებზე პასუხისმგებელი პირები. ჩვენ გავაგრძელებთ ამის გაკეთებას “, - დასძინა გარლანდმა.
იმავდროულად, აშშ-ს თავდაცვის ოფიციალურმა წარმომადგენელმა განაცხადა, რომ უკრაინის ქალაქ ბუჩაში მკვლელობები, როგორც ჩანს, წინასწარგანზრახული იყო.