ხელოვნების აკადემია "მართვეს" მოზარდთა თეატრ-სტუდია "თეატრალი" 8-9 აპრილს 19.00 საათზე, სპექტაკლს "ბესლანი" წარმოადგენს.

რეჟისორ ლაშა გოგნიაშვილის ინფორმაციით, პიესის შინაარსი აგებულია 2004 წელს ქალაქ ბესლანში, სკოლაში მომხდარი ტერორისტული აქტის შესახებ. კერძოდ, მეათე კლასიდან გადარჩენილი გოგონა მოგვითხრობს იმ გმირული ფაქტებისა და საქციელის შესახებ, რომლებიც მოზარდებმა ჩაიდინეს ტერორისტების და ძალადობის წინააღმდეგ. გოგონა აცოცხლებს იმ სამ დღეს, როცა ტერორისტებს დაკავებული ჰყავდათ მოსწავლეები და გვაჩვენებს იმ საშინელებას, რაც იქ ხდებოდა, მაგრამ ამ სისატიკეშიც პოულობენ ადამიანები ბოროტების წინააღმდეგ პატარა, გაბედული საქციელებით გამარჯვების მაგალითს.

„არა ომს! არა ტერორიზმს!“ - ვეხმიანებით უკრაინელ ხალხს, ბავშვებს, მოზარდებს და არა მხოლოდ მათ. ხმამაღლა ვამბობთ, რომ ბავშვები არაფერ შუაში არიან იმ გადაწყვეტილებებთან, რომლებსაც სასიკვდილო ზიანის მომტანია, თუმცა ვინ ფიქრობს მათზე... ამიტომ თავად უწევთ საკუთარი თავის დაცვა და გადარჩენა. ამ მძიმე თემას შევეხებით სპექტაკლის საშუალებით",- აღნიშნა ლაშა გოგნიაშვილმა.

„ბესლანის“ საპრემიერო ჩვენებები ანზორ ერქომაიშვილის სახელობის საკონცერტო დარბაზში გაიმართება.

აღნიშნული სპექტაკლი თეატრალურ ფესტივალებზეც იქნება წარმოდგენილი.