მომხმარებლების წახალისების და მხარდაჭერის მიზნით, „თიბისი ბიზნესი“, „ვისოლი“ და „ვიზა“ ერთობლივ აქციას იწყებენ, რაც იმას გულისხმობს, რომ „ვისოლის“ ბენზინგასამართ სადგურებზე გადახდილი თანხის 10% უკან დაგიბრუნდებათ. ინფორმაციას ამის შესახებ „თიბისი“ ავრცელებს.
მათივე ცნობით, აქციაში ძალაშია 1-ლი აპრილიდან 30 ივნისის ჩათვლის და მასში ჩართვა „თიბისის ბიზნეს“ ნაკრების მფლობელებს შეუძლიათ.
„აქციის პერიოდში თანხა მომხმარებელს შემდეგი პერიოდულობით დაუბრუნდებათ:
პირველი თვე - 15 მაისი;
მეორე თვე - 15 ივნისი;
მესამე თვე - 15 ივლისი;
გაითვალისწინეთ, ჯამში მაქსიმუმ 500 ლარის ქეშბექის დაბრუნება არის შესაძლებელი,“ - აღნიშნულია ინფორმაციაში.