ქალაქ მელიტოპოლში, რომელსაც რუსული ჯარი იკავებს, მათ მიერ გატაცებული ადამიანების რაოდენობამ 100-ს გადააჭარბა. ამის შესახებ ქალაქის მერმა ივან ფიოდოროვმა განაცხადა.
„დღეისთვის ქალაქის მცხოვრებთა გატაცების კუთხით მძიმე ვითარებაა. ახლა დაიწყეს ჩვენი ქალაქის პედაგოგიური უნივერსიტეტის მასწავლებელთა გატაცებები. უკვე ასზე მეტი ადამიანია გატაცებული“ , - განაცხადა მერმა.
მისი ინფორმაციით, შექმნილია “ტელეგრამ-არხი”, სადაც ქალაქის გატაცებული მოქალაქეების შესახებ მონაცემები იდება.
ფიოდოროვის განცხადებით, გატაცებულებს შორის არის საქალაქო საბჭოს დეპუტატი ალექსანდრე ფალკოც.