Independent-ი სტატიას „ჩემს ფიქრებში საქართველოა, თოვლი, საფერავი და სოლიდარობა კავკასიაში“ აქვეყნებს

ბრიტანულმა Independent-მა საქართველოს ტურისტული მიმართულების შესახებ ვრცელი სტატია მოამზადა.

გამოცემის ჟურნალისტმა მეგან ივზმა საქართველოში ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის პრეს-ტურის ფარგლებში იმოგზაურა.

სტატიაში აღწერილია ძველი თბილისი, აბანოები, იმერეთი, გელათის სამონასტრო კომპლექსი და სამთო კურორტი ბაკურიანი.

„კოხტას წვერზე სრული სიჩუმეა, რომელსაც ძლიერი ცივი ქარის ხმა არღვევს, დაბლობი დათოვლილი მთებითა და ნაძვის ტყეებითაა გარშემორტყმული. მთის კალთები კოლორადოს მაგონებს. -7 გრადუსია, მაგრამ მზეა, უღრუბლო ლურჯ ცას მთები ხვდებიან, როგორც ამოყირავებული ოკეანე. საქართველო ძალიან ცნობილი სათხილამურო ქვეყანა არ არის, მაგრამ რატომ ვერ ვხდები, არადა შავი ზღვიდან აზერბაიჯანამდე კავკასიონის მაღალი მთებია გადაჭიმული და მთის ცხოვრების წესი განსაზღვრავს ამ რეგიონს. საქართველოს უმაღლესი მწვერვალი შხარა 5193 მეტრია და 386 მეტრით მაღალია ალპების უმაღლეს მწვერვალ მონბლანზე“,-წერს მეგან ივზი.

ბრიტანული გამოცემის ჟურნალისტმა სამცხე-ჯავახეთშიც იმოგზაურა, გაეცნო ადგილობრივ კულტურას, კულინარიასა და ღვინოს.

„საქართველოში 400, 500 სახეობის ვაზის ჯიშია, მათ შორისაა სახელგანთქმული საფერავი, გამორჩეული წითელი ღვინო. ღვინოთა უმრავლესობა ბიოდინამიკური, ნატურალური მეთოდით მზადდება. ძალიან ხშირად ქართველი მეღვინეები უძველეს ტექნოლოგიას იყენებენ, ღვინოს მიწისქვეშ არსებულ თიხის ჭურჭელში ქვევრში ინახავენ. საქართველოს სამხრეთით, მესხეთში მეღვინეები ისტორიული ვაზის ტერასებს ამუშავებენ. ამზადებენ ღვინოს, რომელსაც საოცარი გემო აქვს“,- წერს Independent-ის ჟურნალისტი.

სტატიის ბოლოს, მეგან ივზი მკითხველს დეტალურ ინფორმაციას აწვდის, თუ რომელი ავიაკომპანიების რეისებით შეიძლება საქართველოში მოხვედრა. ის ყურადღებას ამახვილებს ევროპის ქალაქებიდან ქუთაისის აეროპორტთან დამაკავშირებელ პირდაპირ ავიარეისებზე.

პოპულარული გამოცემის Independent-ის სტატიებსა და პოსტებს თვეში, სოციალურ ქსელებში, ჯამში 20 მილიონზე მეტი ნახვა აქვს. ბეჭდურ გამოცემას ბრიტანეთში ყოველწლიურად 28 მილიონი მკითხველი ჰყავს.

ინფორმაციას ტურიზმის ეროვნული ადმინისტრაცია ავრცელებს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ