ევროპალატის დირექტორთა საბჭოს სხდომაზე უკრაინის მიმართ პოლიტიკური და ჰუმანიტარული დახმარების მნიშვნელობაზე იმსჯელეს

სავაჭრო პალატის პრეზიდენტმა გიორგი პერტაიამ მონაწილეობა მიიღო ევროპალატის დირექტორთა საბჭოს მიერ გამართულ სხდომაში, რომელიც ონლაინ ფორმატში ჩატარდა. ინფორმაციას სავაჭრო პალატა ავრცელებს.

მათი ინფორმაციით, შეხვედრის ფარგლებში განიხილეს უკრაინაში მიმდინარე ომის შედეგების ეკონომიკური გავლენა ევროპისა და ევროპალატის წევრ ქვეყნებზე, ასევე ევროკავშირის, მეზობელი ქვეყნებისა და აღმოსავლეთ პარტნიორობის ქვეყნების ენერგო უსაფრთხოებასთან დაკავშირებული საკითხები.

„შეხვედრისას ხაზი გაესვა ევროპალატისა და მისი წევრი ქვეყნების როლის მნიშვნელობას უკრაინის მიმართ პოლიტიკური და ჰუმანიტარული დახმარების აღმოჩენის კუთხით, ასევე, ერთობლივ ინიციატივებს ომის შედეგად დაზარებული უკრაინელი ხალხის მხარდაჭერისთვის. ამასთან, აღნიშნეს, რომ მნიშვნელოვანია უკრაინის სავაჭრო-სამრეწველო პალატის მხარდაჭერა ერთობლივი პროექტების განხორციელებისთვის.

შეხვედრისას, ასევე, განიხილეს ევროპალატის 2022 წლის ბიუჯეტი, ევროპალატის წესდებასა და პროცედურულ ნორმებში შესატანი ცვლილებების პაკეტი, რომლის წარდგენაც ევროპალატის რიგით 131-ე გენერალურ ასამბლეაზე იგეგმება“,-აღნიშნულია სავაჭრო პალატის მიერ გავრცელებულ ინფორმაციაში.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი