გერმანიის კანცლერმა ოლაფ შოლცმა, დიდი ბრიტანეთის პრემიერ-მინისტრთან ერთად, „დაუნინგ სტრიტში" გამართულ პრესკონფერენციაზე, უკრაინის ომს „დამანგრეველი“ უწოდა. მისი თქმით, ომმა, უკრაინელ ხალხს „უსაზღვრო ტანჯვა მიაყენა“. ამის შესახებ ინფორმაციას Sky News-ი ავრცელებს.
შოლცის თქმით, გერმანია უკრაინის თავდაცვის გაძლიერებისთვის დახმარებას განაგრძობს.
„უკრაინაში, ეს არის სასტიკი ომი, რომელიც საშინელ ნგრევას იწვევს და ბევრი მსხვერპლი ჰყავს. მშვიდობიანი მოსახლეობის მკვლელობა ომის დანაშაულია და რუსეთის პრეზიდენტი, ამ სამხედრო დანაშაულებზე პასუხს აგებს. ჩვენ ყველაფერი უნდა გავაკეთოთ იმისათვის, რომ უაზრო მკვლელობა შევაჩეროთ", - განაცხადა შოლცმა.