ევროპარლამენტის პრეზიდენტმა რობერტა მეცოლამ განაცხადა, რომ კრამატორსკში, მატარებლის სადგურსა და უკრაინაში, მშვიდობიან მოსახლეობაზე სხვა თავდასხმები არის „ომის საერთაშორისო დანაშაული, ჩადენილი სუვერენული ხალხის წინააღმდეგ, რომლებიც უბრალოდ, დემოკრატიისა და საკუთარი ქვეყნისთვის იბრძვიან".
CNN-თან საუბრისას, მეცოლამ განაცხადა, რომ ევროპა, აღჭურვილობასა და ფინანსურ დახმარებას უკრაინას საკმარისად სწრაფად არ აწვდის.
„რატომ შევიფარეთ პუტინი, მისი ოჯახი, ოლიგარქები და ყველა ის ადამიანი, ვინც მას მხარს უჭერს, ჩვენს ევროპაში, მივყიდეთ მათ ჩვენი პასპორტები, ჩვენი მოქალაქეობა? რატომ მივეცით ჩვენს ქვეყნებში ფულის გადამალვის საშუალება? უნდა დავრწმუნდეთ, რომ ეს აღარ განმეორდება", - განაცხადა მეცოლამ.