ვოლოდიმირ ზელენსკი - ოკუპანტის მოქმედება დამოკიდებულია იმაზე, რამდენად მაგრები ვიქნებით, დამოკიდებულია იმაზე, რამდენად სწრაფი იქნებიან ჩვენი პარტნიორები იარაღის მოწოდებისას

უკრაინის პრეზიდენტმა ვოლოდიმირ ზელენსკიმ განმარტა რაზე არის დამოკიდებული რუსი ოკუპანტების შემდგომი სამხედრო მოქმედება უკრაინის ტერიტორიაზე. ამის შესახებ პრეზიდენტმა ავსტრიის ფედერალურ კანცლერ კარლ ნეგამერთან შეხვედრის დასრულების შემდეგ გამართულ ბრიფინგზე ისაუბრა.

„ოკუპანტის მოქმედება დამოკიდებულია იმაზე, რამდენად მაგრები ვიქნებით. დამოკიდებულია იმაზე, რამდენად სწრაფი იქნებიან ჩვენი პარტნიორები იარაღის მოწოდებისას. დამოკიდებულია იმაზე, რუსეთის ფედერაციის ლიდერი თუ ხელმძღვანელი რამდენად მზად არის უფრო შორს წავიდეს. დამოკიდებულია ბევრ რამეზე, პირველ რიგში კი ჩვენს შეიარაღებულ ძალებზე, ამიტომ ყველაზე მთავარია, რომ ჩვენ ვიყოთ მზად ყველა მიმართოლებით“,- განაცხადა ზელენსკიმ.

ამასთან, პრეზიდენტმა განაცხადა, რომ უკრაინა მზად არის იბრძოლოს და ჯერ კიდევ მზად არის პარალელურად დიალოგი აწარმოოს რუსეთთან.

„უკრაინა ყოველთვის აცხადებდა, რომ მზად არის მოლაპარაკებებისთვის და ეძებს ნებისმიერ გზას ომის დასასრულებლად. პარალელურად, სამწუხაროდ, ჩვენ ვხედავთ მზადებას მნიშვნელოვანი, როგორც ამბობენ, გადამწყვეტი ბრძოლისთვის ჩვენი სახელმწიფოს აღმოსავლეთში. მიჭირს ამის თქმა და არ მინდა პასუხისმგებლობის აღება პროგნოზებზე. მე შემიძლია ავიღო პასუხისმგებლობა ჩვენი სახელმწიფოს დაცვაზე და ბრძოლაზე, რომელსაც ჩვენ მუდმივად ვავლენთ“,- განაცხადა ზელენსკიმ.

მისი თქმით, პარალელურად, უკრაინის აღმოსავლეთით და სამხრეთით, საოკუპაციო ჯარების კონცენტრირება გრძელდება.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება