დიდი ბრიტანეთის პრემიერ-მინისტრის ბორის ჯონსონის განცხადებით, ბრიტანეთი უკრაინას 120 ჯავშანმანქანასა და ახალ ხომალდსაწინააღმდეგო სარაკეტო სისტემას გაუგზავნის. ამის შესახებ ჯონსონმა დღეს კიევში უკრაინის პრეზიდენტ ვოლოდიმირ ზელენსკისთან გამართული მოლაპარაკებების შემდეგ განაცხადა.

„პრეზიდენტ ზელენსკის უდრეკი ლიდერობის, ისევე როგორც უკრაინელი ხალხის უძლეველი გმირობისა და გამბედაობის გამო პუტინის საზარელი მიზნები იშლება“, - განაცხადა ბორის ჯონსონმა, რომლის განცხადებასაც დაუნინგ სტრიტი აქვეყნებს.