ვოლოდიმერ ზელენსკი - სხვა ქვეყნებმა უნდა მიბაძონ გაერთიანებულ სამეფოს, დროა, სრული ემბარგო დაწესდეს რუსეთის ენერგეტიკულ სექტორზე - კიდევ უფრო უნდა გავაძლიეროთ ჩვენი ანტისაომარი კოალიცია
უკრაინის პრეზიდენტი ვოლოდიმირ ზელენსკი რუსეთზე „კიდევ მეტი ზეწოლისკენ“ მოწოდებით გამოდის და მისი ქვეყნისთვის თავდაცვით დახმარებას ითხოვს, - ამის შესახებ ინფორმაციას CNN ავრცელებს.
„სხვა ქვეყნებმა უნდა მიბაძონ გაერთიანებულ სამეფოს მაგალითს. დროა სრული ემბარგო დაწესდეს რუსეთის ენერგეტიკულ სექტორზე. ჩვენ კიდევ უფრო უნდა გავაძლიეროთ ჩვენი ანტისაომარი კოალიცია. ვიმედოვნებთ, რომ ლონდონი მთავარ როლს ითამაშებს ამ პროცესში“- აღნიშნა ზელენსკიმ დიდი ბრიტანეთის პრემიერ-მინისტრთან ბორის ჯონსონთან კიევში გამართულ ერთობლივ პრესკონფერენციაზე.
უკრაინისა და გაერთიანებული სამეფოს ლიდერებმა ასევე ისაუბრა უკრაინის ომის შემდგომ აღდგენაზე.
”ჩვენ ერთად აღვადგენთ ჩვენს ქვეყანას და ქალაქებს”, - დასძინა ზელენსკიმ.
ცნობისთვის, დიდი ბრიტანეთის პრემიერ-მინისტრი ბორის ჯონსონი კიევს დღეს მოულოდნელი ვიზიტით ეწვია.
v-if="article.gallery" v-html="article.gallery"
