სილვიო ბერლუსკონი ვლადიმერ პუტინზე - ყოველთვის ვფიქრობდი, რომ დემოკრატიისა და მშვიდობის კაცი იყო, რა სამწუხაროა!

იტალიის ყოფილი პრემიერ-მინისტრი, სილვიო ბერლუსკონი აცხადებს, რომ რუსეთის პრეზიდენტის, ვლადიმერ პუტინის ქმედებებით „იმედგაცრუებული და შეწუხებულია“.

„არ შემიძლია და არც მინდა დავმალო, რომ ღრმად იმედგაცრუებული და შეწუხებული ვარ ვლადიმერ პუტინის საქციელით. მე ის 20 წლის წინ გავიცანი და ყოველთვის ვფიქრობდი, რომ დემოკრატიისა და მშვიდობის კაცი იყო. რა სამწუხაროა!“- აღნიშნა ბერლუსკონიმ რომში, პარტია Forza Italia-ს საჯარო შეხვედრაზე.

მისი თქმით, რუსეთი საკუთარ პასუხისმგებლობას ვერ უარყოფს.

„ბუჩასა და სხვა ადგილებში მშვიდობიანი მოსახლეობის ხოცვა-ჟლეტის, ნამდვილი ომის დანაშაულების წინაშე მყოფი რუსეთი ვერ უარყოფს თავის პასუხისმგებლობას“,- აღნიშნა იტალიის ყოფილმა პრემიერმა.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს