ბრიტანული დაზვერვის უახლესი ანგარიშის თანახმად, ჩრდილოეთ უკრაინიდან რუსეთის ჯარების გასვლის შემდეგ დარჩა მტკიცებულებები მშვიდობიანი მოსახლეობის წინააღმდეგ „არაპროპორციული თავდასხმის“, მასობრივი საფლავების, მძევლების ადამიანთა ფარად გამოყენების შესახებ.
„რუსეთის ჩრდილოეთ უკრაინიდან გასვლის შემდეგ დარჩა მტკიცებულებები მშვიდობიანი მოსახლეობის წინააღმდეგ არაპროპორციული თავდასხმის შესახებ, მათ შორის მასობრივი საფლავების არსებობის, მძევლების ცოცხალ ფარად გამოყენების და სამოქალაქო ინფრასტრუქტურის დანაღმვის, შესახებ,“- ნათქვამია ინფორმაციაში.
მათივე მტკიცებით, რუსული ძალები განაგრძობენ თვითნაკეთი ასაფეთქებელი მოწყობილობის გამოყენებას.
„რუსული ძალები განაგრძობენ თვითნაკეთი ასაფეთქებელი მოწყობილობის გამოყენებას, რათა გამოიწვიონ მსხვერპლი, შეამცირონ საბრძოლო სულისკვეთება და შეზღუდონ უკრაინელების თავისუფალი გადაადგილება. რუსული ძალები ასევე აგრძელებენ ინფრასტრუქტურის ობიექტებზე თავდასხმას, რაც მაღალ რისკს უქმნის მშვიდობიან მოსახლეობას,“- აცხადებენ გაერთიანებული სამეფოს თავდაცვის სამინისტროს დაზვერვის სამსახურში.