მექსიკის პრეზიდენტის, ანდრეს მანუელ ლოპეს ობრადორის განცხადებით, მექსიკა რუსეთის უკრაინაში შეჭრას არ ეთანხმება.
„არ ვეთანხმებით რუსეთის შეჭრას უკრაინაში. ჩვენ კონფლიქტის მშვიდობიანი მოგვარების მომხრე ვართ“, - აღნიშნა ანდრეს მანუელ ლოპეს ობრადორმა.
The Guardian-ი წერს, რომ ლოპეს ობრადორი რუსეთ-უკრაინის კონფლიქტში ნეიტრალიტეტის შენარჩუნებას ცდილობდა და რუსეთის წინააღმდეგ სანქციების დაწესებაზე უარი განაცხადა. ამასთან, მიუხედავად იმისა, რომ მექსიკის მთავრობამ მხარი დაუჭირა გაეროს კენჭისყრას, რომელიც რუსეთს უკრაინიდან თავისი ძალების გაყვანისკენ მოუწოდებდა, ქვეყანამ თავი შეიკავა მონაწილეობა მიეღო გაეროს გენერალურ ასამბლეაზე გამართულ კენჭისყრაში, რომელმაც რუსეთს გაერო-ს ადამიანის უფლებათა საბჭოს წევრობა შეუჩერა.