რელიგიის საკითხთა სახელმწიფო სააგენტოს ცნობით, დღეს საქართველოს კათოლიკური ეკლესია, საქართველოს ევანგელურ-ლუთერული ეკლესია და სომეხთა სამოციქულო მართლმადიდებელი ეკლესია ბზობის დღესასწაულს აღნიშნავს.
ბზობა ერთ-ერთი მთავარი საუფლო დღესასწაულია და იერუსალიმში უფლის დიდებით შესვლას განასახიერებს.
რელიგიის საკითხთა სახელმწიფო სააგენტო ყველა კათოლიკეს, ევანგელურ-ლუთერულ ეკლესიას და სომეხთა მართლმადიდებელი ეკლესიის საქართველოს ეპარქიას ბზობას ულოცავს და მათ სიხარულსა და მშვიდობას უსურვებს.