უკიდურესად რთული იქნება რუსეთთან მოლაპარაკებებზე ფიქრიც კი, ქალაქ კრამატორსკში სარაკეტო დარტყმისა და ქალაქ ბუჩაში ჩადენილი სისასტიკის შემდეგ.
ამის შესახებ უკრაინის საგარეო საქმეთა მინისტრმა დმიტრო კულებამ დღეს ამერიკული ტელეარხის NBC-ის ეთერში განაცხადა.
„ძალიან რთულია იმაზე ფიქრიც კი, რომ დაჯდე იმ ადამიანებთან, ვინც ჩაიდინა ყველა ეს სისასტიკე და ომის დანაშაულები, რომლებმაც ასეთი საშინელი ზიანი მიაყენეს უკრაინას“, - აღნიშნა კულებამ.
"მაგრამ მე მესმის ერთი რამ - თუ რუსებთან დაჯდომა დამეხმარება მინიმუმ ერთი ხოცვა-ჟლეტის თავიდან აცილებაში, როგორიც ეს ბუჩაში მოხდა, ან კიდევ ერთი თავდასხმა კრამატორსკში, მე უნდა გამოვიყენო ეს შესაძლებლობა", - დასძინა მან.
შეგახსენებთ, სულ მცირე 52 ადამიანი, მათ შორის ბავშვები, დაიუპა და ათობით დაშავდა მას შემდეგ, რაც პარასკევს, 8 აპრილს რუსულმა ძალებმა სარაკეტო იერიში განახორციელეს უკრაინის აღმოსავლეთით მდებარე კრამატორსკში რკინიგზის სადგურზე.