მოხარული ვარ აღვნიშნო, რომ ბოლო დროს გერმანიის პოზიცია უკრაინის სასარგებლოდ შეიცვალა. ვფიქრობ, ეს აბსოლუტურად ლოგიკურია, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

მისი თქმით, გერმანიის კანცლერთან, ოლაფ შოლცთან საუბრის დროს განიხილეს, როგორ უნდა დაისაჯოს ყველა, ვინც ომის დანაშაული ჩაიდინა და როგორ უნდა გამკაცრდეს სანქციები რუსეთის წინააღმდეგ.

“ვესაუბრე გერმანიის კანცლერს, ოლაფ შოლცს იმის შესახებ, თუ როგორ უნდა დაისაჯოს ყველა, ვინც დამნაშავეა ომის დანაშაულში. როგორ უნდა გამკაცრდეს სანქციები რუსეთის წინააღმდეგ და აიძულონ რუსეთი მშვიდობა ეძიოს. მოხარული ვარ აღვნიშნო, რომ ბოლო დროს გერმანიის პოზიცია უკრაინის სასარგებლოდ შეიცვალა. აბსოლუტურად ლოგიკურად მიმაჩნია, რადგან ამ კურსს მხარს უჭერს გერმანელი ხალხის უმრავლესობა. მე მათი მადლობელი ვარ მაგრამ იმედი მაქვს, რომ ყველაფერი, რაზეც შევთანხმდით, განხორციელდება. ეს ძალიან მნიშვნელოვანია,”- აღნიშნა ზელენსკიმ.