ტურიზმის აღდგენა ძალიან სწრაფი ტემპით მიმდინარეობს, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

მისი თქმით, 2019 წელთან შედარებით, ტურიზმი 80-90%-ით არის აღდგენილი.

„ეკონომიკა იზრდება, ტურიზმის მატება გვაქვს. ტურიზმის აღდგენა ძალიან სწრაფი ტემპით მიმდინარეობს. ჩვენ თუ შევადარებთ კოვიდამდელ პერიოდს, თითქმის 80-90%-ით არის აღდგენილი, 2019 წელთან შედარებით. ექსპორტი იზრდება, გვაქვს კონსულტაციები სხვადასხვა ინვესტორთან. ჩვენ გვინდა, რომ დავიწყოთ ჰესების მშენებლობის პროექტები, მათ შორის, სახელმწიფოს ჩართულობით და ამის თაობაზე ძალიან მალე მოგახსენებთ“, - განაცხადა პრემიერმა.