უკრაინის შინაგან საქმეთა მინისტრის მრჩეველი - რუსეთის ახალი შეტევა დონბასის რეგიონში უკვე დაიწყო

რუსეთის ახალი შეტევა დონბასის რეგიონში უკვე დაიწყო, - ამის შესახებ უკრაინის შინაგან საქმეთა მინისტრის მრჩეველმა, ვადიმ დენისენკომ განაცხადა. ინფორმაციას BBC-ი ავრცელებს.

უკრაინელმა და დასავლელმა ოფიციალურმა პირებმა ასევე განაცხადეს, რომ უკანასკნელი დღეების განმავლობაში ისინი დონბასში რუსული ჯარების გადაადგილებას აკვირდებოდნენ.

„უნდა გვესმოდეს, რომ ეს არ იქნება 24 თებერვლის მსგავსი შეტევა, როდესაც ჯერ საჰაერო დარტყმები იყო, შემდეგ კი გამოვაცხადეთ, რომ ომი დაიწყო. ამჯერად, დიდი შეტევა უკვე დაიწყო. რუსები სამხედრო ძალებს აგროვებენ. ისინი აგრძელებენ ჯარისა და აღჭურვილობის გადანაწილებას დონეცკისა და ლუგანსკის რეგიონებში. მართალია, ჯერ კიდევ არ არის მასშტაბური ბრძოლები, მაგრამ შეიძლება ითქვას, რომ შეტევა უკვე დაწყებულია“, - განაცხადა დენისენკომ.

როგორც მან აღნიშნა, აფეთქებები ღამით დნეპროპეტროვსკში მიმდინარეობდა და უკრაინის სიდიდით მეორე ქალაქის, ხარკოვის დაბომბვა ასევე გრძელდება.

ლუგანსკის რეგიონული სამხედრო ადმინისტრაციის უფროსმა, სერგეი გაიდაიმ განაცხადა, რომ უკრაინის ხელისუფლება დონბასში მოსახლეობის „გაძლიერებულ ევაკუაციას“ აწარმოებს. მანვე აღნიშნა, რომ დღეს, 11 აპრილს დაგეგმილია ევაკუაციის მატარებლები ლუგანსკიდან და დონეცკიდან.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება