ირაკლი ყანდაშვილი თურქეთის რესპუბლიკის მხრიდან სინგაპურის კონვენციის რატიფიცირების ოფიციალურ ღონისძიებას ესწრება

„საქართველოს მედიატორთა ასოციაციის“ თავმჯდომარე ირაკლი ყანდაშვილი თურქეთის რესპუბლიკის იუსტიციის სამინისტროს მიწვევით სამუშაო ვიზიტით ქალაქ ანკარაში იმყოფება. ამის შესახებ ინფორმაციას „საქართველოს მედიატორთა ასოციაცია“ ავრცელებს.

ირაკლი ყანდიაშვილი ანკარაში თურქეთის რესპუბლიკა გაეროს კონვენციის, იგივე სინგაპურის კონვენციის ოფიციალურ რატიფიცირებას ახდენს, რომელიც საერთაშორისო სამედიაციო მორიგებების აღსრულებას ეხება.

მათივე ინფორმაციით, ირაკლი ყანდაშვილის განცხადებით თურქეთის მხრიდან სინგაპურის კონვენციასთან მიერთება და რატიფიცირება კიდევ ერთი წინ გადადგმული ნაბიჯია რეგიონში მედიაციის განვითარების მიმართულებით, რამაც კიდევ უფრო მძლავრი ბიძგი უნდა მისცეს საერთაშორისო სავაჭრო ურთიერთობების განვითარებას რეგიონში.

„თურქეთი საქართველოს სტრატეგიულ სავაჭრო პარტნიორს წარმოადგენს და დღევანდელი დღე საერთაშორისო მნიშვნელობის მატარებელია საქართველოსთვისაც, კერძოდ თურქეთის მხრიდან სინგაპურის კონვენციის რატიფიცირება და ამოქმედება, წარმოადგენს წინა პირობას მეტი ბიზნეს ინტერესის მოზიდვისა რეგიონში არსებული ქვეყნებისთვის მათ შორის საქართველოსთვის.

აღსანიშნავია ის ფაქტი, რომ საქართველო 2019 წლიდან მიერთებულია სინგაპურის კონვენციას, რომლის ოფიციალური რატიფიცირება საქართველოს პარლამენტმა 2021 წელს მოახდინა, ხოლო აღნიშნული კონვენცია ოფიციალურად საქართველოსთვის 2022 წლის 29 ივნისს ამოქმედდება“, - ნათქვამია სსიპ “საქართველოს მედიატორთა ასოციაციის” თავმჯდომარის ირაკლი ყანდაშვილის მიერ მოწოდებულ ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს