ლიეტუვის პრემიერ-მინისტრი ინგრიდა სიმონიტე უკრაინაში ჩავიდა და თავის უკრაინელ კოლეგას დენის შმიგალს კიევის ოლქის ქალაქ ბოროდიანკაში შეხვდა.
ამის შესახებ დენის შმიგალი სოციალურ ქსელ „ტვიტერში“ წერს.
„დღეს გავმართე შეხვედრა ლიეტუვას პრემიერ-მინისტრ ინგრიდა სიმონიტესთან. ჩვენ ერთად მოვინახულეთ რუსული ჯარების მიერ განადგურებული ბოროდიანკა. უკრაინაში განხორციელებული გენოციდისათვის რუსეთი უნდა დაისაჯოს. მადლობა ლიეტუვას ომის დანაშაულების გამოძიებაში ჩართვისთვის. ერთად შევაჩეროთ რუსეთი“, - წერს უკრაინის პრემიერი.