ავსტრიის კანცლერმა კარლ ნეჰამერმა განაცხადა, რომ რუსეთის პრეზიდენტ ვლადიმერ პუტინთან დღეს „პირდაპირი, ღია და ხისტი“ მოლაპარაკებები ჰქონდა - ამის შესახებ ინფორმაციას „როიტერსი“ ავრცელებს.
„ეს არ არის მეგობრული შეხვედრა. ნეჰამერმა თქვა, რომ მისი ყველაზე მნიშვნელოვანი გზავნილი კრემლის ლიდერისთვის არის ის, რომ ომი უნდა დასრულდეს, რადგან „ომში ორივე მხარე მხოლოდ დამარცხებულია“, - აღნიშნულია ავსტრიული მხარის მიერ გავრცელებულ განცხადებაში.
ავსტრიის კანცლერის პრესსპიკერის ეტიენ ბერხტოლდის თქმით, შეხვედრა პუტინის ოფიციალურ ნოვო-ოგარიოვოს რეზიდენციაში გაიმართა, რომელიც დაახლოებით 90 წუთს გაგრძელდა.
ცნობისთვის, ნეჰამერი ევროკავშირის პირველი ლიდერია, რომელიც პუტინს მას შემდეგ შეხვდა, რაც მან საკუთარ ჯარების 24 თებერვალს უკრაინაში შეჭრა უბრძანა.