ამერიკის შეერთებული შტატების პრეზიდენტმა ჯო ბაიდენმა და ინდოეთის პრემიერ-მინისტრიმა ნარენდრა მოდიმ უკრაინაში ომის განსახილველად ვირტუალური შეხვედრა გამართეს. ინფორმაციას დასავლური მედია ავრცელებს.
მათივე ცნობით, ოფიციალური ვაშინგტონი ნიუ-დელისგან რუსეთზე ეკონომიკური ზეწოლის განხორციელებისთვის მეტ დახმარებას ითხოვს.
ბაიდენი მიესალმა ჰუმანიტარულ დახმარებას, რომელიც ინდოეთმა უკრაინას აქამდე მიაწოდა, ხოლო მოდიმ აღნიშნა, რომ რუსეთის პრეზიდენტ ვლადიმერ პუტინსა და უკრაინის პრეზიდენტ ვოლოდიმირ ზელენსკის პირდაპირი მოლაპარაკებები შესთავაზა.
ინდოეთის პრემიერმა დასძინა, რომ უკრაინაში სიტუაცია ძალიან შემაშფოთებელია, ისევე როგორც ბუჩაში მშვიდობიანი მოსახლეობის მკვლელობის შესახებ ცნობები.
”ჩვენ ვგმობთ მკვლელობებს და მოვუწოდებთ დამოუკიდებელი გამოძიების ჩატარებისკენ”, - განაცხადა ნარენდრა მოდიმ.