გაეროს ქალთა სააგენტოს დირექტორი - უკრაინაში გაუპატიურებებისა და ძალადობის შესახებ ბრალდებები დამოუკიდებლად უნდა იყოს გამოძიებული

როდესაც პრეზიდენტი პუტინის მსგავსი მამაკაცები იწყებენ ომებს, ქალები და ბავშვები იძულებით გადაადგილებული პირები ხდებიან, ქალები და ბავშვები ზიანდებიან, ქალებსა და ბავშვებს აუპატიურებენ.

რუსეთის მიერ უკრაინაში შეჭრის დროს ქალთა მიმართ ძალადობის შესახებ გაეროს ქალთა სააგენტოს დირექტორმა სიმა ბაჰოუსმა გამოძიების ჩატარება მოითხოვა, - ამის შესახებ ინფორმაციას საინფორმაციო სააგენტო „ფრანს-პრესი“ ავრცელებს.

„ეს ომი უნდა შეწყდეს ახლა. ჩვენ სულ უფრო ხშირად გვესმის გაუპატიურებისა და სექსუალური ძალადობის შესახებ. ეს ბრალდებები დამოუკიდებლად უნდა იქნას გამოძიებული სამართლიანობისა და პასუხისმგებლობის უზრუნველსაყოფად“, - აღნიშნა ბაჰოუსმა ნიუ-იორკში უშიშროების საბჭოს სხდომაზე გამოსვლისას.

მისივე თქმით, ასევე გაზრდილი იყო ადამიანებით ვაჭრობის რისკი სასაზღვრო არეებში, განსაკუთრებით რისკის ქვეშ კი არიან ახალგაზრდა ქალები და მშობლების თანხლების გარეში მყოფი მოზარდები.

„როდესაც პრეზიდენტი პუტინის მსგავსი მამაკაცები იწყებენ ომებს, ქალები და ბავშვები იძულებით გადაადგილებული პირები ხდებიან, ქალები და ბავშვები ზიანდებიან, ქალებსა და ბავშვებს აუპატიურებენ და ძალადობენ, ქალები და ბავშვები იხოცებიან“, - განაცხადა აშშ-ის ელჩმა გაეროში ლინდა თომას-გრინფილდმა, უშიშროების საბჭოს სხდომაზე.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი