საფრანგეთმა ჯაშუშობაში ბრალდებული ექვსი რუსი გააძევა

საფრანგეთის საგარეო საქმეთა სამინისტრომ პერსონა ნონ გრატად კიდევ ექვსი რუსი გამოაცხადა, რომლებიც დიპლომატიურ საფარ ქვეშ მოქმედებდნენ - ამის შესახებ „როიტერსი“ იუწყება.

როგორც მედია წერს, რუს ჯაშუშებს ბრალად ედებათ საფრანგეთის „ეროვნული ინტერესების“ წინააღმდეგ მუშაობა.

„ძალიან ხანგრძლივი გამოძიების შედეგად, შინაგანი უშიშროების გენერალურმა დირექტორატმა (DGSI) კვირას, 10 აპრილს, გამოავლინა ჩვენს ტერიტორიაზე რუსეთის სპეცსამსახურების მიერ განხორციელებული ფარული ოპერაცია“, - აღნიშნულია საფრანგეთის საგარეო უწყების განცხადებაში.

შეგახსენებთ, გასულ კვირას საფრანგეთმა 35 რუსი დიპლომატი გააძევა.