დიდუბის რაიონის გამგეობა აღმაშენებლის ხეივანში სახელმწიფო დროშის ჩამოხსნასთან დაკავშირებით განცხადებას ავრცელებს.

გამგეობის ინფორმაციის თანახმად, დროშა მოსალოდნელი ძლიერი ქარის გამო ჩამოიხსნა და ამინდის გაუმჯობესებისთანავე აღიმართება.

"გარემოს ეროვნული სააგენტოს ცნობით, 12-13 აპრილს დედაქალაქში ძლიერი ქარია მოსალოდნელი.

შესაძლო დაზიანების თავიდან აცილების მიზნით, აღმაშენებლის ხეივანში აღმართული სახელმწიფო დროშა დროებით ჩამოიხსნა.

ამინდის გაუმჯობესებისთანავე დროშა აღიმართება", - წერია განცხადებაში.