არაბთა გაერთიანებულმა საამიროებმა უკრაინაში ჰუმანიტარული ტვირთი და სასწრაფო სამედიცინო დახმარების ავტომობილები გაგზავნა
არაბთა გაერთიანებულმა საამიროებმა უკრაინაში 50 ტონა ჰუმანიტარული დახმარების ტვირთი და სასწრაფო სამედიცინო დახმარების ავტომობილები გაგზავნა. ამის შესახებ არაბთა გაერთიანებულ საამიროებში უკრაინის საელჩომ სოციალურ ქსელ „ფეისბუქში“ განაცხადა.
„არაბთა გაერთიანებულმა საამიროებმა უკრაინაში ჰუმანიტარული დახმარებით დატვირთული კიდევ ერთი თვითმფრინავი გაგზავნა. ვარშავაში დღეს 50 ტონა ჰუმანიტარული ტვირთი და სრულად აღჭურვილი სასწრაფო დახმარების ავტომობილები ჩავიდა“, - აცხადებენ საელჩოში.
Ukrinform-ის ცნობით, უკრაინის საგარეო საქმეთა მინისტრის მოადგილემ, დმიტრო სენიკმა არაბთა გაერთიანებულ საამიროების ხელმძღვანელობას და საგარეო საქმეთა და საერთაშორისო თანამშრომლობის სამინისტროს ჰუმანიტარული დახმარებისთვის მადლობა გადაუხადა.
