უკრაინისა და საფრანგეთის პრეზიდენტებმა, ვოლოდიმირ ზელენსკიმ და ემანუელ მაკრონმა რუსი სამხედროების მიერ უკრაინის სახელმწიფოს წინააღმდეგ ჩადენილი ომის დანაშაულებების გამოძიების საკითხი განიხილეს.

ამის შესახებ უკრაინის პრეზიდენტი სოციალურ ქსელ „ტვიტერში“ წერს.

„საფრანგეთის პრეზიდენტთან, ემანუელ მაკრონთან მოლაპარაკებები გავმართე. განვიხილეთ რუსეთის დანაშაულებების გამოძიების საკითხი და უკრაინელი ხალხის მიერ დამპყრობლისთვის წინააღმდეგობის გაწევა. ჩვენ ვაფასებთ საფრანგეთის მხრიდან ძლიერ მხარდაჭერას. ასევე განვიხილეთ მოლაპარაკებების პროცესი. ჩვენ ვიბრძვით მშვიდობისთვის უკრაინაში, ევროპაში“,- წერს ვოლოდიმირ ზელენსკი.