სისხლის სამართლის საერთაშორისო სასამართლოს მთავარი პროკურორის, კარიმ ხანის განცხადებით, მას სურს, უკრაინაში ომის დანაშაულებებზე გამოძიება სწრაფად და სამართლიანად ჩატარდეს.

„საერთაშორისო მართლმსაჯულება უნდა იყოს უფრო სწრაფი, ეფექტური და გავლენა მოახდინოს ადამიანების ცხოვრებაზე. ვეცდებით, ეფექტურად შევქმნათ საქმეები, რათა მივაღწიოთ სიმართლეს“, - აღნიშნა პროკურორმა.

მან მსოფლიოს ლიდერებს მოუწოდა, მხარი დაუჭირონ სისხლის სამართლის საერთაშორისო სასამართლოს მუშაობას უკრაინაში.

"თუ ჩვენ კონცენტრირებას მოვახდენთ, სამართლიანობა არ იქნება მირაჟი. ეს იქნება ისეთი რამ, რისი მიღწევაც შესაძლებელია, რაც არ უნდა რთული იყოს,"- აღნიშნა პროკურორმა.

შეგახსენებთ, სისხლის სამართლის საერთაშორისო სასამართლოს პროკურორი, კარიმ ხანი უკრაინაში ჩავიდა. ის ქალაქ ბუჩაშიც იმყოფებოდა.