კანადა პოლონეთში, ჰუმანიტარული მისიით, 150-მდე სამხედროს გაგზავნის, - ამის შესახებ ქვეყნის თავდაცვის მინისტრმა ანიტა ანანდმა განაცხადა.
მისი თქმით, სამხედროები ქვეყანას უკრაინიდან ჩასული ლტოლვილებისთვის მხარდაჭერის აღმოჩენაში დაეხმარებიან.
ჯარისკაცებს, რომლებიც თავისუფლად ფლობენ უკრაინულ ენას, მთელი პოლონეთის მასშტაბით მიმღებ ცენტრებში გაანაწილებენ.
ცნობისათვის, რუსეთის აგრესიის გამო უკრაინიდან გაქცეული, თავშესაფრის მაძიებელი 4.7 მილიონზე მეტი მოქალაქის ნახევარზე მეტი მეზობელ პოლონეთში გადავიდა, ნატო-ს მოკავშირე ქვეყანა ლტოლვილთა დიდი ნაკადის გამო შექმნილი კრიზისის წინაშე დგას და დახმარებას ითხოვს.