უკრაინის დედაქალაქში რუსეთთან დაკავშირებულ ქუჩებს, მოედნებსა და მეტროსადგურებს სახელი გადაერქმევა. ამის შესახებ კიევის მერმა ვიტალი კლიჩკომ „ტელეგრამის“ საკუთარ არხზე განაცხადა.

მისი თქმით, კიევსა და მოსკოვს შორის მეგობრობის მოედანს სახელი გადაერქმევა და "მარიუპოლის გმირების" სახელი ეწოდება.

BBC-ის უკრაინული სამსახურის ცნობით, კიევის რკინიგზის სადგურის სახელის გადარქმევის იდეა ორ ქვეყანას შორის ურთიერთობების გაუარესების ფონზე, რუსეთის შეჭრამდეც განიხილებოდა.