ირაკლი ღარიბაშვილი - არ მაინტერესებს ვინ სად წავიდა, „ნაცმოძრაობის“ რომელი პროვოკატორი რას აკეთებს -„ომის პარტიას“ მინდა ვუთხრა: მეორე ფრონტი ქვეყანაში არ იქნება!

არ მაინტერესებს ვინ სად წავიდა, „ნაცმოძრაობის“ რომელი პროვოკატორი რას აკეთებს და აცხადებს - „ომის პარტიას“ და ომის მსურველებს მინდა ვუთხრა შემდეგი, რომ მეორე ფრონტი ქვეყანაში არ იქნება!- ამის შესახებ პრემიერმა ირაკლი ღარიბაშვილმა ჟურნალისტებთან საუბრისას განაცხადა.

მან „ნაციონალური მოძრაობის“ წევრების უკრაინაში ვიზიტის კომენტირებისას აღნიშნა, რომ აღნიშნული საკითხი საინტერესო არ არის.

“ეს არ არის საინტერესო, აბსოლუტურად არ არის საინტერესო. მე ჩვენს ხალხს ვესაუბრები განვითარებაზე, მშვიდობასა და იმ პრობლემბზე, რომელიც გვაქვს, არ მაინტერესებს ვინ სად წავიდა, „ნაცმოძრაობის“ რომელი პროვოკატორი, ვინ რას აკეთებს და აცხადებს. ეს არ არის ჩემთვის საინტერესო. მე ჩვენ ხალხს უნდა ვესაუბრო იმ საკითხებზე, რომელიც ჩვენ გვაინტერესებს. „ომის პარტიას“ და ომის მსურველებს მინდა ვუთხრა შემდეგი, რომ მეორე ფრონტი ქვეყანაში არ იქნება. მინდა ვუთხრა ჩვენს ხალხს, რომ ის დამანგრეველი შედეგები, რაც მოიტანა აგვისტოს ომმა, ომმა 90-იან წლებში, მათ შორის სამოქალაქო ომმა, ეს აღარ განმეორდება, მეგობრებო. ჩვენი მთავრობა პასუხისმგებლიანია. მე პირველ რიგში პასუხს ვაგებ ჩვენი ქვეყნის მშვიდობასა და უსაფრთხოებაზე, თითოეულ მოქალაქეს, მათ შორის, თქვენს უსაფრთხოებაზე. ამიტომ, ომის პარტია, მოღალატეების პარტია რას გადაწყვეტს, ვინ სად წავა არ არის ჩემთვის საინტერესო“,- აღნიშნავს პრემიერი.

შეგახსენებთ, რომ „ნაციონალური მოძრაობის“ თავმჯდომარე ნიკა მელია, ასევე პარტიის წევრები - ეკა ხერხეულიძე და კობა ნაყოფია უკრაინაში გაემგზავრნენ. „ნაციონალური მოძრაობის“ გარდა, უკრაინაში იმყოფება საქართველოს მეოთხე პრეზიდენტი გიორგი მარგველაშვილი.

როგორც „ნაციონალური მოძრაობის“ თავმჯდომარე, ნიკა მელიამ განმარტა, უკრაინაში ისინი წარმოადგენენ ქართველ ხალხს და არა, ქართულ ოპოზიციას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს